జూన్ 26న ప్రేక్షకుల ముందుకు వచ్చి మొదటి మూడు రోజులు రికార్డ్ కలెక్షన్స్ రాబట్టిన “ఆదిపురుష్” వీక్ ఎండ్ దాటేసరికి డీలా పడింది. ఇప్పటికే సినీ క్రిటిక్స్ మొదలు సామాన్యుల వరకు విమర్శలు అందుకుంటున్న ఈ మూవీ ఇక పుంజుకోవడం కష్టం లాగే అనిపిస్తుంది. దాదాపు రూ.500 కోట్ల బడ్జెట్ తో వచ్చిన ఈ మూవీ కథాపరంగా విమర్శలకు గురై అభిమానులను తీవ్ర నిరాశకు గురిచేసింది.
సెలవుల తర్వాత సోమవారం కలెక్షన్స్ లో భారీ డ్రాప్ రాగా, ఇది మంగళవారం మరోసారి 30% రేంజ్ లోనే డ్రాప్స్ ను అన్ని చోట్లా సొంతం చేసుకోగా హిందీ లో ఇంకొంచం ఎక్కువ డ్రాప్స్ నే ఇప్పుడు సొంతం చేసుకుంది. మొత్తానికి 6 వ రోజు భారతదేశంలోని అన్ని భాషలలో కలిపి కేవలం రూ.10.80 కోట్లను మాత్రమే రాబట్టింది.
ఏదైనా అద్బుతం జరిగితే తప్పితే సినిమా ఇక తేరుకునే అవకాశం అయితే కనిపించడం లేదు. ఇక టోటల్ గా 6 రోజుల్లో సినిమా సాధించే కలెక్షన్స్ ఎలా ఉంటాయో చూడాలి.